शोक-सभाले निम्त्यायो अर्को शोक

इंडोनेशियाको मध्य जावा क्षेत्रमा आएको भीषण बाढी पहिरोबाट ८० जनाको निधन भएको छ । स्थानीय अधिकारीहरुले मृतकहरुको संख्या अझ अरु बढ्न सक्ने बताएका छन् । यस महामारीबाट हजारौं जनता घरबार बिहिन भएकाले उनीहरुलाई सुरक्षित स्थानमा सारिएको छ । इंडोनेशिया बाढी पहिरो आउनुलाई सामान्य मानिएतापनि यसबाट जंगलको ठुलो मात्रामा नोक्सान भईरहेको बताईएको छ । यो बाढी यस्तो समयमा आएको थियो जुन डिसेम्बर २००४ मा आएको बिनासकारी समुद्री तुफान (सुनामी) को तेस्रो बर्षको शोक सभा मनाईंदै थियो । जसमा परी इंडोनेशियामा मात्र दुई लाख बिस हजार ब्यक्तिले ज्यान गुमाएका थिए ।