संसदको बैठक शुरु

कार्तिक १२ देखि शुरु भएको अन्तरिम संसदको बिशेष अधिवेशनमा माओवादीद्वारा दर्ता प्रस्ताव तथा संशोधन प्रस्तावहरु माथि सात दलहरुबीच सहमतिका कायम गर्ने प्रयासहरु अनुरुप अनेकौ पटक वार्ता गर्दा पनि असफल भएपछि प्रस्ताव तथा संशोधन प्रस्तावहरु संसदको आज हुने मतदानबाट टुंगिने स्थिति पैदा भएको छ ।

आज दिनभरीको राजनीतिक बैठक र छलफलहरु पछि बेलुका सवा ५ बजे संसदको बैठक शुरु भएको छ । प्रधानमन्त्री गिरिजाप्रसाद कोइरालाद्वारा प्रस्ताव तथा संशोधन प्रस्तावहरुमा जवाफ दिईसकेपछि मतदानको प्रक्रिया अघि बढ्ने कुरा बताइएको छ ।