नागोयामा १०औ नेसाज दिवस कार्यक्रम भब्यताकासाथ सम्पन्न

नेपाली बिद्यार्थी समाज जापान(नेसाज) को स्थापनाको १० बर्ष पूरा भएको उपलक्षमा गत सेप्तेम्बर २३ तारिख आइतबारका दिन नागोयाको नकागावाकुमा अवस्थित स्योगाई गाकुस्यु सेन्टरमा क्युस्यु देखि तोहोकु सम्मबाट आएका बिद्यार्थीहरु बीच १०औ नेसाज दिबस भब्यताकासाथ सम्पन्न भयो । कार्यक्रमको सभापतित्व नेसाजका अध्यक्ष ऋषब पौडेलले गर्नुभएको थियो भने कार्यक्रम नेसाजको कार्यकारी समितिका सहसचिब लुशुन चालिशेले सञ्चालन गर्नु भएको थियो । कार्यक्रमका प्रमुख अतिथि नेपाल तोखाई बुन्खा कोरयूखाईका सभापति कातो माशामि हुनुहुन्थ्यो भने अन्य बिशेष अथितिहरुमा चुबु बिश्वबिद्यालयका प्रोफेसर हारादा, आईसी नागोया जापानी भाषा स्कुलका प्रिंसिपल मारुयामा सिगेकी हुनुहुन्थ्यो। संयोजक दिलीप चन्द्र घिमिरेको स्वागत मन्तब्य गर्नुभएको थियो ।
नेसाज कार्यकारी समितिका सचिव उज्ज्वल न्यौपानेले बर्तमान कार्यसमितिले गेरका कामहरुको बारेमा जानकारी दिनु भएको थियो भने कार्यकारी समितिका सदस्य आश्विनभक्त खरेलले नेसाजको बारेमा बोल्नु भएको थियो
कार्यक्रममा नेपाल ईन्जिनियर्स एसोसिएसन-जापान च्याप्टरका उपाध्यक्ष वसन्त कुमार गौतम, शान्ति तथा लोकतान्त्रिक नेपाली मञ्च जापानका किशोर चन्द्र खनाल लगायत बिभिन्न संघसस्थाका प्रतिनिधिहरुले शुभकामना ब्यक्त गर्नुभएको थियो ।
औपचारिक कार्यक्रम पछि साँस्कृतिक कार्यक्रम सम्पन्न भएको थियो। पारसमणि पोखरेलले सञ्चालन गर्नु भएको उक्त कार्यक्रममा लालीगुराश समूहका मन बहादुर थापाले बाजाएको सारङ्गि र बासुरीको धुन, लुशुन चालिशेको गितारको धुनमा सन्दिप ढुङ्गानाले गाएको गीतले सबैलाइ मंत्रमुग्ध बनाई नचाउन सफ़ल भएको थियो। कार्यक्रमको अन्तमा उपस्थित सबै महिलाहरु तिजको गीतमा नाचेका थिए।