साऊदी अरबको एक स्थानीय समाचार पत्रका अनुसार 'भ्यालेन्टाइन डे’ को अवसरमा प्रेम को प्रतीकको रुपमा प्रेमी-प्रेमीका बीच साटासाट गर्ने गुलावको खरीद तथा बिक्रीमा प्रतिबन्ध लगाईएको थियो । समाचारमा जनाईएअनुसार रातो गुलाबका साथै 'भ्यालेन्टाइन डे’ का सबै उपहारको बिक्रीमा प्रतिबन्ध लगाइएको थियो । अधिकारिहरुले प्रेमको प्रतीक मानिने रातो गुलाब तथ उपहारको प्याकिंग गर्ने कागज समेत रातो रंगका सबै सामानहरु हटाउने चेतावनी दिएका थिए । यसकारण गुलाबको मुल्य 'ब्ल्याक मार्केट' मा आकाश छुन लागेको थियो । अधिकारीहरुले 'भ्यालेन्टाइन डे’लाई इस्लाम विरोधी मान्दै अएका छन र यसका साथै गैह इस्लामिक उत्सवमा प्रतिबन्ध को साथै 'भ्यालेन्टाइन डे’ ले पुरुष र महिला बीच विवाह को सम्बन्ध लाई बढावा दिने हुंदा यस संकीर्ण समाजमा मान्य नहुने बताएका छन । यस भन्दा पहिले प्रतिबन्ध को आशंकामा एक महिना पहिलादेखिनै फुलवालाहरुले अर्डर दिएका थिए जसले गोप्य रुपमा यसको कारोवार गरेको बताईएको छ । कयौं ब्यक्ति भने यस उत्सव मनाउनको लागि बहरीन तथा संयुक्त अरब जस्ता मुलुकमा समेत जाने योजना बनाईरहेका थिए जहां धार्मिक रूपले पनि यस पर्वमाथि ज्यादा उदार रहेको पाइन्छ । साऊदी अरब प्रशासनले महिला तथा पुरुष घुम्नको लागि समेत रोक्ने गर्दै आएको छ ।
No comments:
Post a Comment