नारायणहिटी दरबार छाड्नुअघि पूर्वराजा ज्ञानेन्द्रले सरकारसँग आफना निजी कार्यालय र घरका लागि भनी १ सय ५१ जना कर्मचारी माग गरेका छन्। दैनिक कार्य सञ्चालन र घर चलाउनका लागि भनी दरबारका उच्च अधिकारीमार्फ उनले कर्मचारी माग गरेका हुन्। ज्ञानेन्द्रले अर्दली, ढोके, पाले, भान्छे, गोठाला, नानी, बज्यै र कार्यालयमा काम गर्ने गरी ती कर्मचारी माग गरेका हुन ।
पूर्व राजाले माग गरेका कर्मचारीको विषयमा सरकारमा जानकारी गराइसकिएको तर सरकारले कुनै पनि कर्मचारी दिन नसक्ने जनाएको बताईएको छ । सरकारले कर्मचारीको व्यवस्था नगरेपछि पूर्वराजा ज्ञानेन्द्र स्वयंले आधा दर्जन उच्च र करिब डेढ दर्जन तल्लो तहका कर्मचारी राख्ने तयारी गरेको भन्ने समाचार बाहिर आएको छ । सरकारले अवकाश दिएका पूर्वराजाका आजीवन प्रमुख पदाधिकारी शारदाप्रसाद प्रधान, मुख्य सचिव पशुपतिभक्त महर्जन, कार्यालय सचिव मधुसूदन तिमल्सिना, मूल पुरोहित शेखर पण्डित र निजी सचिव सागर तिमल्सिनालाई पर्वराजाले नै जागिर दिलाई राख्ने स्रोतले बताएको छ । अन्य कर्मचारीहरू पनि अवकाशप्राप्तबाटै छानिनेछन्। मुमा रत्न र जिजुमुमा सरलाका कारण दरबार छाड्न नसकेका ज्ञानेन्द्रले साइत हेर्नका निम्ति शुक्रबार कर्मचारी खटाएका थिए। पदाधिकारी कार्यालयका सचिव मधुसूदन तिमल्सिनालाई खटाइएको सो कार्यमा चार ज्योतिष संलग्न थिए। तिमल्सिनाको गौरीघाटस्थित निवासमा चौथो पटक हेरिएको साइत अनुसार जेठ २७ र २९ गते तोकिएको छ।
No comments:
Post a Comment