निजी विद्यालयको नयाँ शुल्क तोकिने

मुलुकमा सञ्चालित निजी विद्यालयहरुको नयाँ शुल्क २० दिनभित्र तोकिने भएको छ। माओवादी विद्यार्थी सङ्गठन र शिक्षा मन्त्रालयका सहसचिव महाश्रम शर्माको संयोजकत्वमा बनेको टोलीबीच भएको वार्तामा यो सहमति भएको हो।
सूत्रका आधारमा वैज्ञानिक र पारदर्शीरुपबाट शुल्क निर्धारण एवम् समायोजन गर्ने गरी संस्थागत विद्यालयहरुले प्रस्तावित गरेको शुल्क हाललाई स्थगित गर्ने सहमति भएको मन्त्रालयले जनाएको छ।यसैगरी अखिल क्रान्तिकारीबाट गरिएको बन्दलगायत् आन्दोलनका सम्पूर्ण कार्यक्रम आजैबाट स्थगन गर्ने सहमति पनि भएको मन्त्रालयले जनाएको छ।

शिक्षा मन्त्रालयले वैज्ञानिक एवम् पारदर्शीरुपबाट सूत्रका आधारमा शुल्क निर्धारण मापदण्ड तयार गरी शुल्क व्यवस्थापन तथा अनुगमन केन्द्रीय समितिमा सुझाव पेश गर्न कार्यटोली गठन गरेको पनि जनाएको छ।