राष्ट्रपति निवासमा रात्रीभोज, माओवादी नेता अनुपस्थित

काठमाडौं- राष्ट्रपति रामवरण यादवले लोकतन्त्र दिवसको अवसरमा रात्रीभोजको आयोजना गरेका छन्। भोजमा संविधानसभामा प्रतिनिधत्व गर्ने २५ वटै दलका शीर्ष नेताहरुलाई बोलाइए पनि प्रमुख प्रतिपक्षी एकीकृत नेकपा(माओवादी)का नेताहरू अनुपस्थित छन्।
२५ वटै दलका शीर्ष नेताहरूलाई आफ्नो निवासमा बोलाउने सो निर्णयले राष्ट्रपति पुनः सक्रिय हुन खोजेको सन्देश दिएको हुँदा भोजमा माओवादी अनुपस्थित हुने भएको माओवादीद्वारा सञ्चालित जनसञ्चार केन्द्रले जनाएको छ।
उक्त भोजमा एकीकृत माओवादीका तर्फबाट अध्यक्ष प्रचण्ड, उपाध्यक्षद्वय बाबुराम भट्टराई र नारायणकाजी श्रेष्ठलाई आमन्त्रण गरिएको थियो। भोजमा नेपाली कांग्रेस र नेकपा(एमाले)का तीन-तीन जना र अन्य दलका दुई-दुई जना शीर्ष नेतालाई निमन्त्रणा गरिएको सितल निवासस्रोतले जनाएको छ।