माओवादी-एमाले अखिलबीच आरआरमा भिडन्त, दर्जन घाइते

हिजो साँझ राजधानीको प्रदर्शनीमार्गस्थित मानविकी क्याम्पसमा एमालेको भ्रातृ संगठन अनेरास्ववियु आरआर र माओवादीको भ्रातृ संगठन अखिल -क्रान्तिकारी) बीच झडप भएको छ । झडपमा दुवैतर्फा दर्जनभन्दा बढी घाइते भएका छन् ।
सामान्य विवादपछि क्याम्पस हाताभित्र चिया पिइरहेका अनेरास्ववियुका गोपाल र्राईलाई अखिल क्रान्तिकारीका विद्यार्थीहरूले हातपात गरेपछि र्राईले अनेरास्ववियुको केन्द्रीय कार्यालयबाट युवा झिकाउनुका साथै क्रान्तिकारीले पनि वाईसीएललाई ल्याएपछि झडप भएको बुझिएको छ । झडपमा दुवैतर्फा गरी दर्जन विद्यार्थी घाइते भएका थिए । स्थितिलाई नियन्त्रणमा लिन प्रहरीले लाठीचार्ज गर्दा केही विद्यार्थी घाइते हुन पुगेका थिए । घटनामा घाइते भएका मध्ये ५ जनाको वीर अस्पताल र ५ जनाको मोडल अस्पतालमा उपचार गराइरहेको क्रान्तिकारीले बताएको छ । अनेरास्ववियुले झडपमा गम्भीर घाइते भएका आफ्ना ५ जनाको मोडल अस्पतालमा उपचार भइरहेको र अन्य केही सामान्य घाइते भएको बताएको बुझिएको छ । घटनापछि क्रान्तिकारीले आफूले गरेको कोणसभामा अनेरास्ववियुका कार्यकर्ताले इँटा हान्नुका साथै आफ्ना साथीहरूलाई हातपात गरेपछि झडपको स्थिति उत्पन्न भएको बताएको छ । अनेरास्ववियु क्रान्तिकारीले क्याम्पसभित्र वाइसिएल भित्र्याई पुर्व तयारीका साथ आफूहरूमाथि आक्रमण गरेको अखिलले आरोप लगाएको छ ।
यसैबीच झडपपछि घाइते भएका विद्यार्थीलाई भेट्न मोडल अस्पताल पुगेका वनमन्त्री मातृका यादवले आक्रोसित हुँदै 'एमालेलाई गोली ठोक' 'माधव नेपाल कहाँ छ' भनेको अनेरास्ववियुले बताएको छ ।
यसअघि अनेरास्ववियुका नेता रामकुमारी झाँक्रीलगायतका टोलीले वनमन्त्री मातृका यादवलाई हतियारसहित अस्पताल छिर्न पाइँदैन भन्दै केहीबेर अस्पताल छिर्न रोक लगाएको बताइएको छ ।