पूर्व राजा ग्यानेन्द्र द्वारा पत्रकार सम्मेलन गरि नागर्जुन तर्फ प्रस्थान

बिश्व ईतिहासलाई नै उदाहरण प्रस्तुत गर्दै पूर्व राजा ग्यानेन्द्र बुधवार सांझ नेपाली समय अनुसार बेलुका ५.२० बजे अत्यन्त हसिलो मुद्रामा पत्रकार सामु प्रस्त्तुत हूदै आफु देश छोडेर नजाने र एउटा सामान्य नागरिकको हैसियतमा देशमै रहने बताएका छ्न । पत्रकारहरुले खचाखच भरिएको नारायणहिटि दरबारको कास्की हलमा होहल्ला गरिरहेका पत्रकारहरुलाई ’ एकछिन चुप लागिदिनुहोला ’ भन्दै हंसिलो मुद्रामा प्रस्तुत भएका पूर्व राजाले बिगतमा आफु र आफ्नो परिवारमाथि लगाईएको सम्पूर्ण आरोप मिथ्या रहेको उल्लेख गर्दै त्यसले आफूलाई धेरैनै दु:खी बनाएको बताएका थिए ।

२०५८ सालमा भएको राजदरबार हत्याकाण्ड प्रति अंकित गर्दै उनले त्यसमा आम जनमानसमा आफु र आफ्नो परिवार प्रति लगाईएको संपूर्ण आरोप मिथ्या भएको र घटनामा आफू सार्है दु:खी भएको भएतपनि परंपरा अनुसार आफूले राज्यप्रमुखको जिम्मेवार समालेको र त्यो दु:खलाई आफुभित्रै राख्न बाध्य भएको समेत पूर्व राजाले बताए । बालक कालमा आफू राजा भएको स्मरण गराउंदै बिधिको बिधान या परिस्थिले त्यस्तो भएको र त्यो आफ्नो चाहना या इच्छाले नभएको साथै अबोध बालक ले त्यो श्रीपेच चुपचाप आफ्नो शीरमा थाप्नु बाहेक कुनै उपाय नभएको समेत उनले बताए । आफू चाहना बाट भन्दा पनि परिस्थितीले राजा भएको बताऊदै उनले अबको दिनमा पनि नेपालको हितका लागि आफूले सक्दो सहयोग गर्ने बताएका छ्न । बिगतमा आफू जीम्मेवारीपुर्ण पदमा रहेको हुनाले बिभिन्न कुराहरु गर्न गाह्रो भएको कुरा उनले प्रष्ट पारे । आफुले राजकाज सम्हालेपछि आफुलाई सहयोग गर्ने सबैलाई पनि उनले धन्यवाद दिएका थिए । आफुले देशको सधैं माया गरिरहने र संब्रिद्द नेपाल आफूले हेर्न चाहेको पनि बताए । बिदेशमा संपती राखेको भन्ने भनाई प्रति तर्फ इंकित गर्दै पूर्व राजाले आफूले बिदेशमा कुनै संपति नराखेको र पूर्वज बाट आएको संपती पनि संस्थाको नाममा आफुले राखेको उनले बताए । एउटा सामान्य नागरिकको हैसियतले नेपालको कानुन अनुसार आफूले पनि ब्यक्तिगत संपती राख्न पाउने बिश्वास रहेको उनले बताएका छन । बुधवार सांझ ८:४५ बजे नारायणहिटी छाडेका पूर्व राजालाई हेर्न सयौं नेपाली राजदरवार बाहिर जम्मा भका थिए । पूर्व राजा-रानी उपस्थितहरुलाई अबिवाधन गर्दै नागार्जुन तर्फ लागेका थिए ।

ऊता पूर्व राजाले आफ्नो संवोधन सकेर बाहिर निस्केका मात्र के थिए , त्यहां उपस्थित पत्रकार हरु उनी बसेको कुर्सीमा बस्न तंछाड मछाड गर्दै थिए । कोहि भने उक्त कुर्सीमा बसेर पूर्व राजाको क्यारीकेचर गर्नमा नै ब्यस्त थिए । उता पत्रकारको बिल्ला भिरेकानै कतिपय ब्यक्तिहरुले त्यहां रहेका सामान लान खोजेको र कतिले कुर्सी फालेको समेत समाचार छ ।