टोकियोको ब्यस्त बजारमा छुरा प्रहार, ७ जापानीको निधन

८जुन २००८ । जापानको टोकियो शहरको प्रमुख स्थान मानिने आकिहाबारामा एक जना पच्चिस बर्षिय युवकले एक पछि अर्को गर्दै छुरा प्रहार गर्दा ७ जना जापानीजको म्रित्यु भएको छ भने १० जना गम्भिर घाईते भएका छ्न । सधैंभरि भिडभाड रहने स्थानको रुपमा समेत परिचित टोकियोको आकिहाबारामा आईतवार बीदाको दिन झनै मानिस हरुको भिडभाड रहने गर्दछ । ट्रक चलाएर आएका एक ब्यक्तिले सडकमा एउटा ट्याक्सीलाई ठक्कर दिएर अगाडि बढ्यो र केहि मिटर पर पुगेर ट्रक रोकी छुरा लिएर बाहिर आयो र एकाएक एकपछि अर्को गर्दै मानिसहरुलाई प्रहार गर्न थाल्यो । यसरी छुरा प्रहारमा पर्नेमा बर्दीमा रहेका प्रहरी समेत रहेका छन ।

जम्मा ५ मीनेटको समयमा यति ठूलो घटना घट्न पुगेको जापानी टेलिभिजन लगायत अन्य समाचार माध्यमहरुले जनाएका छ्न । घटना लगत्तै छुरा प्रहार गर्ने ब्यक्तिलाई प्रहरीले पक्राउ गरेको छ । टोकियो बाट सयौं किलोमिटर टाढा रहेको सिजुओका शहरको अपार्टमेन्टमा बस्दै आएको उक्त ब्यक्ति पक्राउ पछि चेक-जांच गर्दा मदिरा सेवन नगरेको तथा सामान्य अवस्थामा रहेको जानाईएको छ । पक्राउ पछि उक ब्यक्तिले जसलाई छुरा प्रहार गरेपनि फरक नपर्ने बताएको प्रहरीले जनाएको छ । यस भन्दा अघि पनि पटक-पटक भाडाको ट्रक लिएर ऊ टोकियो आउने गरेको जनाईएको छ । घटनामा म्रियु हुनेमा ७५ बर्षिय ब्रिद्द ब्यक्ति समेत रहेका छ्न ।