राष्ट्रपतिको क्षेत्र खाली

राष्ट्रपति डा. रामवरण यादवले चुनाव जितेको धनुषा क्षेत्र नम्बर ५ खाली गरिएपछि त्यहाँ उप निर्वाचन हुने भएको छ । संविधानसभा बैठकले मुलुकका नवनिर्वाचित राष्ट्रपति डा. रामवरण यादवले संविधानसभा चुनाव जितेको क्षेत्र खाली गर्ने घोषणा गरेको छ । साउन ८ गते संविधानसभा बैठकको अध्यक्षता गरिरहेका कुलबहादुर गुरुङले यस्तो घोषणा गरेका हुन् । यादवले धनुषा क्षेत्र नम्बर ५ बाट चुनाव जितेका थिए । धनुषा क्षेत्र नम्बर ५ मा उप निर्वाचन हुने भएको छ । दुई क्षेत्रमा चुनाव जितेका ५ जना संविधानसभासदले छाडेका क्षेत्रमा चुनाव हुने यस अघि निश्चित भइसकेका थियो ।