ज्ञानेन्द्रलाई दरबार छोड्न प्रचण्डको सुझाव

गणतन्त्र नेपालका प्रथम राष्ट्रपतिका रुपमा प्रचारित नेपाल कम्युनिस्ट पार्टी माओवादीका अध्यक्ष प्रचण्डले राजा ज्ञानेन्द्रलाई स्वेच्छिक रुपमा नारायणहिटी दरबार छोड्न सुझाव दिएका छन ।
संविधान सभा निर्वाचनमार्फत ’जनादेश’ आइसकेको उल्लेख गर्दै प्रचण्डले राजा ज्ञानेन्द्रको बुद्दि फिरेर दरबार छोडे भने हामीलाई पनि सजिलो , मुलुक र उनका निम्ति पनि हित हुने उल्लेख गरेका छन । पार्टीको उद्दोग ब्यवसाय विभागद्वारा बुधवार राजधानीमा उद्दोगी व्यवसायीबिचको अन्तक्रियामा बोल्दै प्रचण्डले नेपालमा गणतन्त्र स्थापनाका निम्ति राजा ज्ञानेन्द्रलाई नारायणहिटी दरबार छोड्न सुझाव दिएका हुन ।