जापानका सडकमा सवारीसाधनको चाप

माधब प्र. सेढाईं, टोकीयो
अप्रील महिनाको एक तारीख बाट जापानमा पेट्रोलको मूल्य २५ ऎन सम्म घटाएपछि अहिले पेट्रोल पम्प हरुमा सवारी साधनहरुको चाप एक्कासी बढेको छ । सरकारले यसको घोषणा गरेतापनि यद्दपी कतिपय पेट्रोल पम्पहरुमा पहिलाकै मूल्यमा बिक्री गरिरहेको पनि पाइएको छ । त्यसैले सवारीचालकहरु मूल्य कम भएको पेट्रोलपम्प हरु खोज्दै सडकमा दौडिरहेको पाईएको छ । सरकारले मूल्य कम गर्ने निर्णय यस भन्दा अघिनै गरेपछि आफ्नो सवारी साधनहरुमा तेल नहाली बसेको र मूल्य कम हुने बितिकै आफ्ना सवारी साधनहरुमा तेल हाल्न लाम लागेको कुरा कतिपय ब्यक्तिहरुले संवाददातालाई बताएका थिए । यस बाट आफ्नो दैनिक जीवनमा आर्थिक भार केहि कम भएको महशूस गरेको कतिपय जापानीजहरुले बताएका छन । महंगो हाई-वे चार्जले गर्दा टाढा रहेका आफ्ना परिवारहरुलाई नियमित भेट्न जान नसकेका र अन्य सवारी बिकल्प हरु अपनाउंदै आएका ब्यक्तिहरु पनि अप्रील एक देखि आफ्नो निजी सवारी साधनको प्रयोग गर्न थालेका छन । यद्दपी एक्कासी सवारी साधनहरुको भीड बढेपछि कतिपय पेट्रोल पम्पहरुमा पेट्रोलको अभाव समेत देखिएको थियो ।